КеАҚ «СМУ» Университеттік госпиталінің гипербариялық оксигенация бөлімі – көпжылдық тарихы мен бірегей клиникалық тәжірибесі бар мамандандырылған бөлім болып табылады. Қызмет 1986 жылдан бері жұмыс істеп келеді және осы уақыт ішінде тіндік гипоксиямен және микроциркуляция бұзылыстарымен қатар жүретін әртүрлі аурулары бар пациенттерді кешенді емдеу жүйесіндегі маңызды бағыт ретінде өзін дәлелдеді.

Бөлімде терапиялық, хирургиялық, неврологиялық және басқа да бейіндегі пациенттерге мамандандырылған медициналық көмек көрсетеді, госпитальдің клиникалық бөлімдерімен тығыз өзара байланыста жұмыс істейді. Жұмыс істеу кезеңінде гипербариялық оксигенация әдісін қолдану бойынша айтарлықтай тәжірибе жинақталып, 70 000-нан астам емдік сеанс өткізілді, бұл аталған терапия түрінің жоғары тиімділігі мен сұранысқа ие екендігін көрсетеді.

Гипербариялық оксигенация – бұл барокамера жағдайында жоғары қысыммен 100% медициналық оттегімен тыныс алуға негізделген заманауи емдеу әдісі. Соның нәтижесінде қандағы және тіндердегі оттегінің мөлшері едәуір артады, оның қан айналымы бұзылған аймақтарға жеткізілуі жақсарады, қалпына келу және регенерация үдерістері белсендіріледі, тіндердің ісінуі азаяды және ағзаның гипоксияға төзімділігі жоғарылайды.

Гипербариялық оксигенация әдісі кешенді терапия құрамында әртүрлі аурулар кезінде кеңінен қолданылады, оның ішінде жүйке жүйесінің патологиялары, ишемиялық инсульттің салдары, бас-ми жарақаттары, тамырлық және ревматологиялық аурулар, созылмалы гипоксиялық жағдайлар, сондай-ақ ауыр уланулардан кейінгі жағдайлар. Терапия жүргізу туралы шешім пациенттің клиникалық көрінісі мен жағдайын ескере отырып, жеке түрде қабылданады.

Бөлімде заманауи медициналық барокамералармен жабдықталған, олар қысым параметрлері мен пациенттің жағдайын тұрақты бақылаумен процедураларды жеке режимде жүргізуге мүмкіндік береді. Бір орындық барокамералар форматы қауіпсіздіктің жоғары деңгейін, процедураларды дәл жүргізуді және медицина қызметкерлерінің үздіксіз бақылауын қамтамасыз етеді.

Бөлім ұжымы айтарлықтай практикалық тәжірибесі бар білікті мамандардан құралған. Бөлімі хирургия және эндоваскулярлық медицина саласында тәжірибесі бар дәрігер басқарады, ал орта медициналық персонал пациенттерге процедуралар кезінде жоғары деңгейде күтім мен сүйемелдеуді қамтамасыз етеді.

КеАҚ «СМУ» Университеттік госпиталінің гипербариялық оксигенация бөлімі – ағза қызметін қалпына келтіруге және емдеу тиімділігін арттыруға бағытталған көпжылдық тәжірибе, заманауи технологиялар және әр пациентке жеке көзқарастың үйлесімі.