«Семей медицина университеті» КеАҚ Университеттік госпиталінде ұлттық аккредиттеуге дайындық жұмыстары жалғасуда.
Дайындық аясында қызметкерлерге түрлі төтенше жағдайлар кезіндегі қауіпсіздік кодтары мен іс-қимыл алгоритмдеріне арналған ақпараттық бейнематериалдар әзірленді.
САРЫ КОД — БИОЛОГИЯЛЫҚ СҰЙЫҚТЫҚТАР
Бұл материалда биологиялық сұйықтықтар төгілген кездегі қызметкерлердің іс-қимыл алгоритмі, оның ішінде қауіпті аймақты шектеу, жеке қорғаныш құралдарын пайдалану, төгілген сұйықтықты қауіпсіз жинау, залалсыздандыру және қалдықтарды белгіленген тәртіппен кәдеге жарату шаралары көрсетілген.
Ақпараттық материалдар қызметкерлерге белгіленген іс-қимыл алгоритмдерін меңгеруге және бекітуге мүмкіндік береді. Бұл пациенттер мен қызметкерлердің қауіпсіздігін қамтамасыз етудің маңызды бөлігі.