КеАҚ «СМУ» Университеттік госпиталінің балалар стационарының операциялық бөлімі балаларға жоспарлы және шұғыл хирургиялық араласуларды жүргізуді қамтамасыз ететін негізгі құрылымдық бөлімшелердің бірі болып табылады. Бөлім жұмысы операцияларды барынша қауіпсіз жағдайда жүргізуге және балалар жасындағы пациенттерге жоғары білікті медициналық көмек көрсетуге бағытталған.

Операциялық блокта әртүрлі бағыттар бойынша хирургиялық араласулар орындалады, оның ішінде балалар хирургиясы мен травматологиясы, жақ-бет хирургиясы, сондай-ақ оториноларингология. Бұл әртүрлі аурулар мен жарақаттары бар балаларға кешенді хирургиялық көмек көрсетуге мүмкіндік береді.

Бөлім заманауи хирургия талаптарына сай келетін медициналық жабдықтармен жабдықталған. Өмірлік маңызды функцияларды бақылау жүйелері, лапароскопиялық және артроскопиялық жабдықтар, эндоскопиялық техника, электрохирургиялық аппараттар, сондай-ақ операция барысында бақылау жүргізуге арналған рентгенологиялық жабдықтар қолданылады. Бұл хирургиялық араласулардың, соның ішінде аз инвазивті операциялардың жоғары дәлдігін, қауіпсіздігін және тиімділігін қамтамасыз етеді.

Бөлімнің кадрлық құрамы операциялық блок жағдайында жұмыс істеуге қажетті білім мен дағдыларға ие білікті мамандардан, соның ішінде дәрігерлер мен операциялық мейірбикелерден тұрады. Медициналық персонал стерильділікке қатаң бақылау жүргізуді, операциялық залдар мен жабдықтарды дайындауды, сондай-ақ операцияларды жүргізуге және операциядан кейінгі кезеңде пациенттерді сүйемелдеуге қатысуды қамтамасыз етеді.

Бөлім қызметінің негізгі бағыттары — операциялық залдардың дайындығын қамтамасыз ету, санитариялық-эпидемиологиялық нормаларды сақтау, құралдарды стерилизациялау, жабдықтарды дайындау және хирургиялық араласуларға қатысу. Пациенттердің қауіпсіздігіне және хирургиялық үдерістің барлық кезеңдерінің сақталуына ерекше көңіл бөлінеді.

Жыл сайын бөлімде операциялардың елеулі көлемі орындалады. Мәселен, 2025 жылы 2200-ден астам операция жасалған, бұл бөлімнің жоғары сұранысқа ие екенін және балаларға медициналық көмек көрсету жүйесіндегі маңызды рөлін көрсетеді.

КеАҚ «СМУ» Университеттік госпиталінің балалар стационарының операциялық бөлімі — бұл әрбір операция баланың денсаулығына барынша мұқият қарап, жоғары дәлдікпен жүргізілетін, командалық жұмыс пен заманауи технологиялар үйлескен орта.